2006-10-31 - 11:28 p.m.
教琴?
一直都有人同我講話想學彈琴，但十個問十個都無下文的，我都沒有太上心，而且我都不太懂教人呢!最近鈺霆同嘉豪都想學彈琴，我都不知道點解會答應教，其實講真丫!我又邊有資格教呢?講一些好簡單學琴要識既野比他們知都可以既!都同他們講左，只教他們兩個月，教一些簡單學琴既基本知識，如果要keep住唔停咁學或者想再深入的去學，我會建議他們出去搵o的pro既老師學。不過這也未必唔好既，起碼要自己先溫習，這也能令自己抽多點時間溫書呢!希望不會教唔到之餘仲教錯他們啦!!
