2009-05-07 - 1:17 a.m.
驚咗一整天，點知衰咗﹗
由下午開始就有點驚，因為太緊張了，所以無咩胃口食嘢﹗只覺得自己緊張，無諗過自己唱唔到，但今晚既結果係我把聲唔係好入到咪，大家全程都唔係好知我唱咩。今次的準備功夫真的太馬虎，太"求祈"了，諗住自己唱歌一直都不太差的，所以諗住應該無咩問題既，所以有點期望miss同阿sir既評語，但連唱咩都唔係好聽得到，點比評語呢？自己實在太高古自己了，太自大了點吧﹗原來我都不是太好的，還是繼續學習謙卑些吧﹗
今次只用咗兩個夜晚馬虎咁去聽首歌，都有練下係邊啲地方加些技巧的，但出到去只聽到把人聲好大，自己唔係好聽得清楚個音樂，加上太耐無觀摩了，見到自己隻手係咁震，連歌詞都唔係好記了，所以就不要講加咩技巧了，所以今晚有點唔係咁開心，信心又再一次被打沈了下來，星期日要幫手唱歌呀，仲諗住幫啲歌加唱吓和音添，自己都未攪得掂呢﹗唉......
